Aðalfundur Ármanna – 11. mars

Aðalfundur Ármanna verður haldin í Árósum, miðvikudaginn 11. mars kl. 20:00 stundvíslega. Rétt til setu á aðalfundi, kosningarétt og kjörgengi hafa allir skuldlausir félagar. Á dagskrá fundarins eru hefðbundin aðalfundarstörf skv. lögum félagsins:

  1. Kosning fundarstjóra og fundarritara.
  2. Fundargerð síðasta fundar.
  3. Skýrsla formanns um starfsemi stjórnar og fastanefnda.
  4. Endurskoðaðir reikningar.
  5. Lagabreytingar.
  6. Ákvörðun árgjalds.
  7. Kosning stjórnar og skoðunarmanna reikninga.
  8. Önnur mál.

Framboðsfrestur til stjórnarkjörs rann út þann 15. janúar og barst eitt framboð til stjórnar og telst það fullgilt. Í framboði til stjórnar er því félagi #822 Hjörtur Oddsson, en eins og kunnugt er víkur gjaldkeri félagsins, Gestur Traustason sæti úr stjórn skv. 6 ára reglunni. Aðrir stjórnarmenn eru á miðju kjörtímabili eða hafa lýst sig reiðubúna til áframhaldandi setu í stjórn.

Engar tillögur að lagabreytingum bárust að þessu sinni.

Félagar eru hvattir til að mæta á aðalfund félagsins og taka þannig þátt í afgreiðslu mála og bera upp erindi og/eða fyrirspurnir undir liðnum Önnur mál.

Skildu eftir svar