Hlíðarvatnshreinsun 25. apríl

Árleg Hlíðarvatnshreinsun veiðifélaganna við Hlíðarvatn í Selvogi verður n.k. laugardag, 25. apríl. Ármenn munu samkvæmt venju sjá um að þrífa vesturströndina frá Mosatanga (14) í Nauthólma (1) við ósinn.

Vegna samkomubanns og 2ja metra reglu verður aðgangur að Hlíðarseli takmarkaður á laugardaginn vegna vinnu innanhúss, ekki verður boðið upp á heita máltíð eins og verið hefur, en hressing á staðnum í hádeginu fyrir þá félagsmenn sem sjá sér fært að mæta og taka þátt.

Gert er ráð fyrir hefja þrif um og eftir kl.9:00, hádegishressing kl.12 og eftir það geta þeir sem hönd hafa lagt á plóginn reynt fyrir sér í vatninu.

Þeir sem sjá sér fært að mæta eru beðnir um að láta vita með tölvupósti á armenn@armenn.is þannig að unnt sé að áætla veitingar í hádeginu.

Skildu eftir svar