Góðir Ármenn!
Boðað er til aðalfundar Ármanna miðvikudaginn 12. mars kl. 20:00. Fundurinn er haldinn í Árósum, félagsheimili Ármanna í Hverafold 1-3.
Dagskrá aðalfundar er hefðbundin:
- Kosning fundarstjóra og fundarritara.
- Fundargerð síðasta fundar.
- Skýrsla formanns um starfsemi stjórnar og fastanefnda.
- Endurskoðaðir reikningar.
- Lagabreytingar.
- Ákvörðun árgjalds.
- Kosning formanns.
- Kosning annarra stjórnarmanna.
- Kosning skoðunarmanna reikninga.
- Kosning uppstillingarnefndar.
- Önnur mál.
Samkvæmt lögum þarf að senda inn framboð til stjórnar og tillögur að lagbreytingum fyrir 15. janúar.
Þessar tillögur hafa borist:
Stjórnarkjör
Stjórnarmenn eru kjörnir til tveggja ára í senn og mega sitja þrjú tímabil samfellt að hámarki (sex ár).
Að þessu sinni losna fjögur sæti í stjórn:
Brjánn Ingason (#836) og Guðmar Guðmundsson (#949) voru kjörnir í stjórn fyrir tveimur árum og gefa kost á sér áfram. Jóhann Hannesson (#905) og Sigurjón Þorvaldsson (#880) láta af störfum eftir sex ára öflugt starf. Borist hafa tvö framboð í þeirra stað: Baldur Már Pétursson (#964) og Ólafur Á Þorgeirsson (#1121).
Þessir fjórir eru því sjálfkjörnir í stjórn. Jóhanni og Sigurjóni er þakkað fórnfúst starf þágu félagsins og þeir Baldur Már og Ólafur boðnir velkomnir.
Hjörtur Oddsson (#822) dregur sig í hlé sem formaður, en gefur kost á sér í stjórn áfram í eitt ár. Sæmundur Valdimarsson (#997), sem kjörin var í stjórn í fyrra (2024) gefur kost á sér sem formaður í hans stað. Ekki hafa aðrir gefið kost á sér til formanns og er Sæmundur því sjálfkjörinn.
Lagabreytingar
Borist hefur tillaga að lagabreytingu.
Á aðalfundi árið 2023 var samþykkt viðbót við 10. grein–Nefndir, svohljóðandi:
„Einnig er starfrækt uppstillingarnefnd sem kosið er í á aðalfundi til eins árs. Nefndin tekur á móti framboðum til stjórnarsetu og sér til þess að a.m.k. ein stjórnaruppstilling liggi fyrir fyrir boðun aðalfundar. Aðalfundur Ármanna kjósi eða samþykki 3 félagsmenn til setu í uppstillingarnefnd fyrir næsta starfsár.“
Breytingartillagan snýst um að fella þessa viðbót niður þar sem hingað til hafa engir fengist til að starfa í uppstillingarnefnd.
Rétt til setu á aðalfundi, kosningarétt og kjörgengi hafa allir skuldlausir félagar.
Fjölmennum! Vöfflur í boði húsnefndar!
Stjórnin